ایک اہم پیش رفت میں اپنا دل (کامیرا واڈی) لیڈر پلاوی پٹیل نے راہول کی یاترا میں شامل ہونے کا اعلان کیاہے۔
چندولی۔ جب راہول گاندھی کی بھارت جوڑو نیائے یاترا نوبت پور سرحد میں ضلع چندولی کے ذریعہ اترپردیش میں داخل ہوگی تب کانگریس پارٹی کی جنرل سکریٹری پرینکا گاندھی ووڈرا بھی بھارت جوڑو نیائے یاترا میں شامل ہوں گی۔
ایک اہم پیش رفت میں اپنا دل (کامیرا واڈی) لیڈر پلاوی پٹیل نے راہول کی یاترا میں شامل ہونے کا اعلان کیاہے۔
پلوی جنھوں نے 2022اسمبلی انتخابات میں سماج وادی پارٹی کے ٹکٹ پر جیت حاصل کی تھی‘ راجیہ سبھا کے لئے ایس پی امیدوار کے انتخاب سے ناراض ہیں۔
اترپردیش کانگریس سربراہ اجئے رائے نے کہاکہ ’نوبت پور سرحد کے ذریعہ راہول گاندھی کے ریاست میں داخلے سے قبل بھارت جوڑو نیائے یاترا کا یوپی میں استقبال کرنے کے لئے پرینکا گاندھی چندولی پہنچیں گی۔
دونوں سعید راجہ ٹاؤن شپ میں نیشنل انٹر کالج میں ایک عوامی جلسہ عام سے خطاب کریں گے اور پھر شہید استھل کی طرف بڑھ جائیں گے۔ چندولی میں ایک رات رکنے کے بعد ہفتہ کے روز وہ وراناسی میں داخل ہوں گے۔
رائے نے کہاکہ ہفتہ کے روز راہول گاندھی بی جے این وائی کی شروعات وراناسی میں گو گڈا سے کریں گے اور مزیدکہاکہ وشویشوار گنج مارکٹ او رمیداگاین چوراہے سے گذرتے ہوئے کانگریس لیڈر پوجا کے لئے کاشی وشواناتھ مندر پہنچیں گے۔
پھر وہ گوڈو والیا چوراہے جائیں گے اور وہاں پر ایک عوامی جلسہ عام سے خطاب کریں گے۔ بعدازاں راہول گاندھی بہادوہی کے لئے روانہ ہوجائیں گے۔