کارا باخ : آرمینیا کے وزیر اعظم نکول پشینیان نے کہا کہ آذربائیجان کے ساتھ امن معاہدے کی 17 میں سے 13 شرائط پر ایک معاہدہ طے پایا اور ان شرائط کے ساتھ امن معاہدے پر دستخط کرنے کی پیشکش کی۔آرمین پریس کے مطابق پشینیان نے اپنے ملک کے دارالحکومت یریوان میں ایک پریس کانفرنس کی۔پشینیان نے کہا کہ انہوں نے آذربائیجان کے صدر الہام علی ایف کو سرحد پر دو طرفہ ملاقات کرنے کی پیشکش کی۔ثالثی کی پیشکشوں اور خاص طور پر روسی صدر ولادیمیر پوتن کے حالیہ بیان کے بارے میں سوال کا جواب دیتے ہوئے پشینیان نے کہا کہ وہ امن معاہدے پر دستخط کرنے میں خوشی محسوس کریں گے، انہوں نے سہ فریقی مذاکرات کو خارج نہیں کیا بلکہ دو طرفہ مذاکرات میں پیش رفت کو ترجیح دی۔وزیر اعظم پشینیان نے نشاندہی کی کہ آرمینیا نے آذربائیجان کو پیشکش کی کہ وہ متفقہ شرائط کے ساتھ امن معاہدے پر دستخط کرے اور باقی مسائل کو مزید مذاکرات پر چھوڑ دے۔پشینیان نے کہا کہ آرمینیا نے یہ پیشکش 30 اگست کو کی تھی کہ امن معاہدے کے حتمی مسودے میں 17 شرائط ہیں ان میں سے 13 پر بشمول تعارف مکمل طور پر متفق ہو چکے ہیں۔ باقی 3 ایک سے زیادہ جملوں پر مشتمل ہیں جن میں سے بیشترشرائط کے نچوڑ پر اتفاق کیا گیا ہیپشینیان نے نشاندہی کی کہ وہ آذربائیجان کے ساتھ طے پانے والے جنگ بندی کے معاہدے سے دستبردار ہونے کا ارادہ نہیں رکھتے تھے۔وزیر اعظم پشینیان نے بتایا کیا کہ وہ نحچیوان اور آذربائیجان کے درمیان رابطہ فراہم کرنے کے لیے تیار ہی، لیکن وہ نہیں چاہتے کہ علاقائی سالمیت اور خودمختاری پر بات کی جائے۔
