حیدرآباد: اداکارہ دیپیکا پڈوکون کی آنے والی فلم ’چھپاک“ کے کئی ٹکٹس بک کرنے کے بعد کینسل کئے جارہے ہیں۔ واضح رہے کہ دیپیکا پڈوکون نے نئی دہلی میں جواہر لال نہرویونیورسٹی میں طلبہ کی جانب سے کئے جارہے احتجاج میں شرکت کرنے کے بعد سے ان پر سخت تنقیدیں شروع ہوگئی ہیں۔ احتجاج میں شرکت کرنے سے بعض لوگ ان سے ناراض ہیں اور ان کی فلم کا بائیکاٹ کررہے ہیں۔
Few more… 🙈🙈🙈 pic.twitter.com/dgYJUCaDcA
— Mohammed Zubair (@zoo_bear) January 8, 2020
حیدرآباد گوشہ محل بی جے پی رکن اسمبلی راجہ سنگھ نے بھی دیپیکا پڈوکون کی فلم کا بائیکاٹ کرنے کی اپیل کی ہے۔ واضح رہے کہ چھپاک فلم جمعہ10 جنوری کو سنیما گھروں میں آرہی ہے۔ اس فلم کو میگھنا گلزار نے ڈائرکٹ کیا ہے جبکہ فلم کی پروڈیوسر خود دیپیکا پڈوکون ہی ہیں۔ اتوار ۵ جنوری کی شب جے این یو کیمپس میں اے بی وی پی کارکنوں نے گھس کے طلبہ کی پٹائی کردی۔ جس سے کئی طلبہ شدید زخمی ہوگئے تھے۔