کوچی: ممبئی، مہاراشٹر میں ایئر انڈیا کے کال سینٹر کو پیر کی آدھی رات کے بعد کوچین (سی او کے ) سے لندن گیٹ وِک (ایل جی ڈبلیو) جانے والی پرواز AI 149 میں بم کی دھمکی موصول ہوئی۔ کوچین میں ایئر انڈیا اور کوچین انٹرنیشنل ایئرپورٹ لمیٹڈ (سی آئی اے ایل) کو صبح 1.22 بجے الرٹ کے بارے میں مطلع کیا گیا۔ قائم کردہ پروٹوکول کے بعد فوری طور پر سی آئی اے ایل میں بم تھریٹ اسیسمنٹ کمیٹی (بی ٹی اے سی) بلائی گئی۔ خطرے کا اندازہ لگایا گیا اور اسے مخصوص قرار دیا گیا۔ ایئرپورٹ سیکیورٹی گروپ (اے ایس جی-سی آئی ایس ایف)، ایئر لائن سیکیورٹی اہلکاروں اور ان لائن بیگیج اسکریننگ سسٹم کے ذریعے سخت سیکیورٹی چیک کیے گئے ۔ اس شخص کی شناخت کی کوشش کی گئی جس نے ممبئی کال سینٹر پر فون کرکے بم نصب کیے جانے کی اطلاع دی تھی۔ تحقیقات سے پتہ چلا کہ یہ کال صہیب (29) نے کی تھی، جو کونڈوٹی ملاپورم کے رہنے والے تھے ، جو AI 149 میں لندن جانے والے تھے ۔ چیک ان کے دوران صہیب کو اپنی بیوی اور بیٹی کے ساتھ اے ایس جی نے کوچین میں ہوائی اڈہ کے بین الاقوامی روانگی ٹرمینل پر روک لیا گیا اور قانونی کارروائی کے لیے پولیس کے حوالے کر دیا گیا۔ کوچین ہوائی اڈہ بی ٹی اے سی کی سفارش کے مطابق ہوائی جہاز کو ایک الگ ایئر کرافٹ پارکنگ پوائنٹ پر منتقل کر دیا گیا تھا اور وسیع حفاظتی اقدامات کیے گئے تھے ۔ بم کی اطلاعات کے غلط ہونے کے بعد طیارہ کا مکمل معائنہ کیا گیا اور اسے پرواز کے لیے کلیئر کر دیا گیا۔
