دبئی۔ کرکٹ کی عالمی گورننگ باڈی نے کہا کہ انگلینڈ کے لیفٹ آرم اسپنر سوفی ایکلسٹون، آسٹریلیا کی اوپنر ریچل ہینس اور جنوبی افریقہ کی اوپنر لورا وولوارڈٹ کو بدھ کو آئی سی سی ویمنز پلیئر آف دی منتھ ایوارڈ کے لیے نامزد کیا گیا ہے۔ ایکلیسٹون جو اس وقت ونڈے اورٹی20 کرکٹ میں سرفہرست بولر ہیں، انہوں نے نیوزی لینڈ میں حال ہی میں ختم ہونے والے آئی سی سی ویمنز کرکٹ ورلڈ کپ میں کچھ شاندار بولنگ کا مظاہرہ کرتے ہوئے نو میچوں میں 21 وکٹیں لے کر ٹورنمنٹ کی سب سے زیادہ وکٹیں لینے والی بولر بن گئیں۔ اس میں کرائسٹ چرچ میں جنوبی افریقہ کے خلاف سیمی فائنل میں کیریئر کا بہترین 6/36 کا مظاہرہ بھی شامل ہے۔ پورے ٹورنامنٹ میں اس کی شاندار بولنگ نے انگلینڈ کو ایک اور ورلڈ کپ فائنل تک پہنچنے میں مدد کی، جہاں اسے آسٹریلیا کے خلاف 71 رنز سے شکست ہوئی۔ آسٹریلیا کے پاس بہت سارے ہیروز تھے جنہوں نے اتوارکو ان کا ساتواں ورلڈ کپ خطاب جیتنے میں مدد کی لیکن آرڈر کے اوپری حصے میں ہینس کا تعاون پورے ٹورنمنٹ میں میگ لیننگ کی زیرقیادت ٹیم کے لئے سب سے بڑا مثبت پہلو تھا۔ ہینس نے نو میچوں میں 62.12 کی اوسط سے497 رنز بنائے، ٹورنمنٹ کے دوسری سب سے زیادہ رنز بنانے والے کھلاڑی بن گئی۔ انگلینڈ کے خلاف ٹورنمنٹ کے اپنے ابتدائی میچ میں اس کی نصف سنچریوں اور شاندار سنچری نے آسٹریلیا کو پورے ٹورنمنٹ میں الیسا ہیلی کے ساتھ مل کر ٹھوس شروعات کرنے میں مدد کی۔ اس نے بالآخر آسٹریلیا کو ساتویں مرتبہ ٹرافی اٹھانے میں شاندار مدد کی ہے ۔ اچھی کارکردگی کے بارے میں بات کرتے ہوئے بیان میں کہا گیا ک وولوارڈٹ نے ورلڈ کپ میں بہترین مستقل مزاجی کے ساتھ بیٹنگ کی ہے ۔ انہوں نے جنوبی افریقہ کے بیٹنگ آرڈرکی قیادت کی اور ٹاپ آرڈر میں کچھ عمدہ شراکت کی۔ آٹھ میچوں میں پانچ نصف سنچریوں کے ساتھ وولوارڈٹ نے 54.12 کی اوسط سے 433 رنز بنائے، جو ٹورنمنٹ کے چوتھے سب سے زیادہ رنز بنانے والے کھلاڑی بنی۔ اس کا 79 گیندوں پر 80 کا بہترین اسکور جنوبی افریقہ کے ہندوستان کے خلاف گروپ مرحلے کے سنسنی خیز میچ میں منظر عام پر آیا۔ ان شاندار مظاہروں کی بدولت وہ اس مہینے کی بہترین کھلاڑی کے ایوارڈ کی نامزدگی میں اپنے نام درج کیا ہے ۔
