احمد آباد (گجرات): بلقیس بانو کے شوہر یعقوب رسول نے کہا کہ وہ 2002 کے گجرات فسادات کے دوران بلقیس بانو کی اجتماعی عصمت ریزی اور اس کے خاندان کے سات افراد کو قتل کرنے کے جرم میں عمر قید کی سزا کاٹ رہے تمام 11 افراد قصوروار ہیں اور ان کی رہائی کی خبر سے صدمہ ہوا۔رسول نے پی ٹی آئی کو بتایا کہ وہ پیر کو ہونے والی پیش رفت پر تبصرہ نہیں کرنا چاہتے۔ انہوں نے کہا کہ اس واقعہ کے 20 سال بعد بھی ان کے، ان کی اہلیہ اور پانچ بیٹوں کے پاس رہنے کیلئے کوئی مستقل جگہ نہیں ہے۔اس معاملے میں عمر قید کی سزا کاٹ رہے 11 مجرموں کو پیر کو گودھرا سب جیل سے رہا کر دیا گیا۔ گجرات حکومت نے اپنی ایمنسٹی پالیسی کے تحت ان لوگوں کی رہائی کی منظوری دی تھی۔ممبئی کی ایک خصوصی مرکزی تفتیشی بیورو (سی بی آئی) کی عدالت نے 21 جنوری 2008 کو بلقیس بانو کی اجتماعی عصمت ریزی اور اس کے خاندان کے سات افراد کو قتل کرنے کے الزام میں 11 مجرموں کو عمر قید کی سزا سنائی تھی۔ بعد میں ان کی سزا کو بمبئی ہائی کورٹ نے برقرار رکھا۔رسول نے بتایا کہ انہیں میڈیا سے مجرموں کی رہائی کی خبر ملی۔ ہمیں کوئی اندازہ نہیں تھا کہ انہوں نے (مجرموں) نے کب درخواست دی اور ریاستی حکومت نے کیا فیصلہ لیا۔ ہمیں کبھی کوئی نوٹس نہیں ملا۔ ہمیں اس بارے میں نہیں بتایا گیا۔
جب ان سے حکومت کے فیصلے کے بارے میں پوچھا گیا تو رسول نے کہا کہ وہ نہیں جانتے کہ کیا کہنا ہے۔ انہوں نے کہا کہ ہم اس پر کچھ نہیں کہنا چاہتے۔ تفصیلات حاصل کرنے کے بعد ہی بات کر سکتا ہوں۔ ہم صرف اپنے پیاروں کی روح کے لئے سکون کی دعا کرتے ہیں جنہوں نے فسادات میں اپنی جانیں گنوائیں۔ ہم ہر روز اس واقعہ میں مارے جانے والوں کو یاد کرتے ہیں جن میں ہماری بیٹی بھی شامل ہے۔انہوں نے کہالیکن حکومت نے سپریم کورٹ کی ہدایت کے مطابق نوکری یا مکان کا کوئی انتظام نہیں کیا ہے۔رسول نے کہا کہ ان کا خاندان اب بھی بغیر کسی مستقل پتہ کے روپوش ہے۔ انہوں نے یہ بھی کہا کہ حکومت سے ملنے والا معاوضہ ان کے بیٹوں کی تعلیم کے لیے استعمال کیا جا رہا ہے۔اس معاملے میں جن 11 کو مجرم ٹھہرایا گیا ہے ان میں جسونت بھائی نائی، گووند بھائی نائی، شیلیش بھٹ، رادھیشیام شاہ، بپن چندر جوشی، کیسر بھائی ووہنیا، پردیپ موردھیا، بکا بھائی ووہنیا، راجو بھائی سونی، متیش بھٹ اور رمیش چندنا شامل ہیں۔رادھیشیام کی جلد رہائی کا مطالبہ کرنے والی درخواست نے جیل سے 11 دیگر مجرموں کی رہائی کی راہ ہموار کی۔ رادھی شیام نے کہا کہ وہ رہا ہونے پر خوش ہیں۔انہوں نے کہا کہ گجرات حکومت نے سپریم کورٹ کے حکم کے مطابق ہمیں رہا کیا ہے۔ میں باہر آ کر خوش ہوں کیونکہ میں اپنے خاندان کے افراد سے مل سکوں گا اور نئی زندگی شروع کر سکوں گا۔رسول نے کہا کہ ہم مجرم تھے اور جیل میں تھے۔ جب 14 سال جیل میں رہنے کے بعد بھی مجھے رہا نہیں کیا گیا تو میں نے سپریم کورٹ سے رجوع کیا۔سپریم کورٹ نے گجرات حکومت کو فیصلہ کرنے کی ہدایت دی، جس کے بعد ہمیں رہا کر دیا گیا۔استغاثہ کے مطابق بلقیس اس وقت پانچ ماہ کی حاملہ تھیں۔ اس کی اجتماعی عصمت ریزی کی گئی۔ صرف یہی نہیں اس کے خاندان کے سات افراد کو قتل کر دیا گیا۔عدالت کو بتایا گیا کہ چھ دیگر افراد موقع سے فرار ہو گئے تھے۔ اس مقدمہ کے ملزمان کو 2004 میں گرفتار کیا گیا تھا۔
