اسلام آباد : 12 اپریل ( یو این آئی )ترجمان ایرانی وزارت خارجہ اسماعیل بقائی نے کہا ہے کہ امریکہ اور ایران کچھ معاملات پر اتفاق تک پہنچ گئے تھے تاہم دو، تین اہم ایشوز کے سبب ڈیل نہ ہوسکی۔ترجمان ایرانی وزارت خارجہ کا کہنا ہے کہ ایران اور امریکہ کے درمیان ہونے والا مذاکرات کا یہ دور اس ایک سال میں مذاکرات کا طویل ترین دور تھا جو 24 یا 25 گھنٹے جاری رہا۔ انہوں نے کہا کہ دونوں فریق کچھ معاملات پر اتفاق تک پہنچ گئے تھے تاہم دو، تین اہم ایشوزکے سبب ڈیل نہ ہو سکی جبکہ دیگرامورپرنکتہ نظرمیں اختلاف موجود ہے۔اسماعیل بقائی نے کہا کہ سفارت کاری کبھی ختم نہیں ہوتی، یہ قومی مفادات کے تحفظ کا ایک ذریعہ ہے، یہ توقع نہیں ہونی چاہیے تھی کہ ہم ایک ہی نشست میں کسی معاہدے تک پہنچ جائیں گے، میرے خیال میں کسی کو بھی ایسی توقع نہیں تھی۔ترجمان نے کہا کہ ایران خطے میں پاکستان دیگردوستوں کے ساتھ رابطے میں رہیگا، پاکستان کی حکومت، عوام اور وزیر اعظم شہباز شریف کا شکریہ اداکرتاہوں۔(S/W)
