نئی دہلی : دہلی جانے والی آکاسا کی فلائٹ آج پرندے سے ٹکرا گئی۔ ڈی جی سی اے نے مطلع کیا کہ فلائٹ دہلی میں اترنے کے بعد ریڈوم کو نقصان پہنچا۔ “27 اکتوبر کو احمدآباد سے دہلی کے لیے پرواز کرنے والی Akasa ایئر کی پرواز QP 1333 سے پرندہ ٹکرا گیا۔ خبر رساں ایجنسی اے این آئی کے مطابق طیارہ بحفاظت لینڈ کر گیا اور تمام مسافروں کو اتار لیا گیا۔ اس کے نتیجے میں، ہوائی جہاز کو تفصیلی معائنہ کے لیے روک دیا گیا ہے،’’ ایئر لائنز کے ترجمان نے بتایا۔ خیال رہے کہ آکاسا کی پہلی کمرشیل فلائٹ اگست میں شروع ہوئی تھی۔ ڈی جی سی اے نے کہا کہ آج یعنی جمعرات کو Akasa B-737-8 (Max) طیارہ VT-YAFآپریٹنگ فلائٹ QP-1333 (احمدآباد۔دہلی) کو 1900 فٹ کی بلندی پر پرندے کی ٹکر کا سامنا کرنا پڑا۔ دہلی میں لینڈنگ کے بعد ریڈوم کو نقصان پہنچا۔ اس کے نتیجے میں، طیارے کو اتار دیا گیا۔
