کل رات تک دھماکے میں 9 افراد کے جاں بحق اور 20 کے زخمی ہونے کی تصدیق کی گئی تھی۔
نئی دہلی: لال قلعہ کے قریب دھماکے میں مرنے والوں کی تعداد بڑھ کر 13 ہو گئی، مزید تین افراد زخموں کی تاب نہ لاتے ہوئے دم توڑ گئے، پولیس نے منگل کو بتایا۔
پیر کی شام لال قلعہ میٹرو اسٹیشن کے قریب ایک ٹریفک سگنل پر ایک سست رفتار کار میں زور دار دھماکہ ہوا۔ حکام نے بتایا کہ کل رات تک، دھماکے میں 9 افراد کے ہلاک اور 20 کے زخمی ہونے کی تصدیق کی گئی تھی۔
پولیس نے بتایا کہ مزید تین افراد زخموں کی تاب نہ لاتے ہوئے دم توڑ گئے جس سے مرنے والوں کی تعداد 12 ہو گئی۔
دہلی پولیس نے منگل کو مہلک دھماکے کے سلسلے میں غیر قانونی سرگرمیاں (روک تھام) ایکٹ اور دھماکہ خیز مواد ایکٹ کے تحت ایف آئی آر درج کی ہے۔
دہلی پولیس کی جانب سے متعدد مقامات پر چھاپے مارے جا رہے ہیں۔ قومی دارالحکومت کو ہائی الرٹ پر رکھا گیا ہے اور ہوائی اڈے، ریلوے اسٹیشنوں اور بس ٹرمینلز پر سخت نگرانی رکھی گئی ہے۔