کیف : یوکرین کے صدر ولادیمیر زیلنسکی کا کہنا ہے کہ ان کا نورڈ اسٹریم گیس پائپ لائنوں کی تخریب کاری سے کوئی تعلق نہیں ہے۔زیلنسکی نے گزشتہ روز دارالحکومت کیف میں فن لینڈ کی وزیر اعظم سانا مارین سے ملاقات کی۔زیلنسکی اور مارین نے بلمشافہ اور بین الا وفود ملاقاتوں کے بعد ایک مشترکہ پریس کانفرنس کا اہتمام کیا۔یہاں بات کرتے ہوئے زیلنسکی نے روسی فوج پر یوکرین میں جنگی جرائم کا ارتکاب کرنے کا الزام لگایا اور کہا کہ روس کے خلاف بین الاقوامی عدالت قائم کی جانی چاہیے۔زیلنسکی نے کہا کہ روس کے خلاف عالمی پابندیوں کو برقرار رکھا جانا چاہیے اور ان میں اضافہ کیا جانا چاہیے۔یہ دلیل دیتے ہوئے کہ روس کے نئے ہتھیار تیار کرنے کے مواقع محدود ہونے چاہئیں، زیلنسکی نے نیٹو کے ساتھ اپنے ملک کے انضمام کے عمل کا بھی جائزہ پیش کیا۔انہوں نے بتایا کہ انہوں نے نیٹو سے ضمانت طلب کی ہے ، یوکرین میثاق میں شرکت سے پیشتر ہی نیٹو سے سلامتی کی ضمانت کا طلبگار ہے۔مارین نے جنگ کے خاتمے کے لیے یوکرین کے تشکیل دیے گئے امن حل چارے کی حمایت کرنے کی وضاحت کرتے ہوئے کہا کہ “پائدار امن، یورپ اور یورپی۔ اٹلانٹک فیملی کے امن و خوشحالی کی راہ ہموار کر سکتا ہے۔ “یہ بتاتے ہوئے کہ ان کا ملک یوکرین کی حمایت جاری رکھے گا، مارین نے نشاندہی کی کہ انہوں نے اب تک یوکرین کو ہتھیاروں کے 13 امدادی پیکج فراہم کیے ہیں، اور مزید ایک امدادی پیکج جلد ہی منظور کر لیا جائے گا۔
