نئی دہلی: وزیراعظم نریندر مودی نے منگل کو کہا کہ ہندوستان کے توانائی کے شعبے کے اہداف گرچہ لوگوں کو بلند نظر لگتے ہوں، لیکن اس شعبے میں ملک کی حالیہ حصولیابیوں سے یہ اعتماد پیدا ہوا ہے کہ یہ اہداف یقینی طور پر حاصل کیے جائیں گے ۔مودی نے توانائی کے شعبے پر ہندوستان کی باوقار کانفرنس – انڈیا انرجی ویک کا افتتاح کرتے ہوئے کہا کہ ہندوستان توانائی کے معاملے میں ایسا حل فراہم کرنے کیلئے پرعزم ہے جو ہماری اقتصادی ترقی کو تقویت دینے کے ساتھ ساتھ ہماری فطرت کو بھی تقویت دینے والے ہو۔ توانائی کے شعبے کی ترقی اور کاربن کے اخراج میں کمی کے ہندوستان کے اہداف کے بارے میں بات کرتے ہوئے ، انہوں نے کہا، “ہمارے اہداف کافی بلند نظر لگ سکتے ہیں، لیکن گزشتہ 10 برسوں میں ہندوستان نے جو کچھ حاصل کیا ہے ، اس سے یہ اعتماد ملا ہے کہ ہم ان اہداف کو ضرور حاصل کرلیں گے ۔
