محبوب نگر ۔ 27 ستمبر (سیاست ڈسٹرکٹ نیوز) گورنمنٹ وہپ، محبوب نگر کے رکن اسمبلی سری ینم سرینواس ریڈی نے کہا کہ کونڈا لکشمن باپوجی ایک عظیم شخص ہیں جنہوں نے ریاست تلنگانہ کے حصول کے لیے اپنی زندگی اور سب کچھ وقف کردیا۔ انہوں نے شہر کے پدماوتی کالونی گرین بیلٹ میں منعقدہ کونڈا لکشمن باپوجی کی یوم پیدائش کی تقریبات میں مہمان خصوصی کی حیثیت سے شرکت کی، باپو جی کے مجسمہ پر پھول چڑھائے، خراج عقیدت پیش کیا اور تقریر کی۔ ینم سرینواس ریڈی رکن اسمبلی نے کہا کہ جس طرح مہاتما گاندھی ملک کے لئے وقف تھے۔ کونڈا لکشمن باپو جی بھی تلنگانہ کے لئے اسی سطح پر عوام کے دلوں میں رہے۔ انہوں نے واضح کیا کہ باپو جی کے ساتھ تحریک میں حصہ لینا ان کی خوش قسمتی ہے اور انہوں نے جس ایمانداری اور وفاداری کا مظاہرہ کیا وہ آج کے سیاسی لیڈروں اور عہدیداروں کے لیے ایک سبق ہے۔ انہوں نے غریبوں، کمزور طبقات اور محنت کشوں کی عزت نفس کے لیے اپنی جدوجہد کو آنے والی نسلوں تک پہنچانے پر زور دیا۔ ریاستی اقلیتی مالیاتی کارپوریشن کے چیرمین عبیداللہ کوتوال، سٹی میئر گملا ممتا سرینواس، موڈا چیرمین لکشمن یادو، ضلع ایڈیشنل کلکٹر (ریونیو) ہری پریہ، ڈی سی سی صدر سنجیو مدیراج، کارپوریٹرس تروملا وینکٹیش، طاہر، راماسوامی، ایس سی سیل کے چیرمین پاسولا راجو، قائدین عبدالحق، چندرو اور دیگر نے شرکت کی۔
