امپھال، 13 جون (یو این آئی) راجدھانی سمیت منی پور کے پانچ اضلاع میں جمعہ کی صبح چھ بجے انٹرنیٹ خدمات بحال کر دی گئیں۔ انٹرنیٹ پر بار بار کی پابندی سے عام سرکاری، نجی اور تجارتی اداروں پر برااثر پڑا ہے اور تعلیمی نظام بری طرح متاثر ہوا ہے ۔ سماجی اور ثقافتی تنظیم کے رہنما آرام بائی ٹینگول (اے ٹی) کی گرفتاری کے بعد 7 جون کی رات 11.45 بجے سے ریاستی دارالحکومت سمیت پانچ اضلاع میں انٹرنیٹ پر دوبارہ پابندی عائد کر دی گئی تھی۔ ریاستی حکومت نے پابندی کے بعد غیر معینہ مدت کے لیے کرفیو نافذ کر دیا۔ اے ٹی نے اپنے لیڈر کی گرفتاری کے خلاف دس دن کے بند کا اعلان کیا لیکن تیسرے دن اسے واپس لے لیا۔ ابتدائی پابندی کا حکم پانچ دنوں کے لیے تھا اور جمعرات کو رات 11.45 بجے ختم ہو گیا۔ ہوم کمشنر این اشوک کمار کے دیر رات کے حکم سے 13 جون کی صبح 6 بجے تک پابندی توسیع کردی گئی تھی۔
