ممبئی: مہاراشٹر کے واشیم ضلع کی ایک سیشن عدالت نے پولیس کو نیشنلسٹ کانگریس پارٹی (این سی پی) کے لیڈر نواب ملک کی جانب سے نارکوٹکس کنٹرول بیورو (این سی بی) کے ممبئی کے سابق علاقائی ڈائریکٹر سمیر وانکھیڑے کے خلاف کیے گئے مبینہ ریمارکس کی تحقیقات کرنے کا حکم دیا۔ ملک نے پچھلے سال کہا تھا کہ مسٹر وانکھیڈے نے اپنی ذات کا سرٹیفکیٹ حاصل کرنے کے لیے فرضی دستاویزات جمع کرائے تھے ۔ این سی پی لیڈر نے این سی بی افسر کے خلاف بھی تضحیک آمیز تبصرہ کیا۔ مسٹر وانکھیڑے نے مسٹر ملک کے تمام الزامات کی تردید کرتے ہوئے کہا کہ وہ انہیں نشانہ بنا رہے ہیں کیونکہ این سی بی نے ان کے داماد کو منشیات کے معاملے میں گرفتار کیا تھا۔ اس کے بعد، این سی بی افسر کے کزن سنجے وانکھیڑے نے مسٹر ملک کے خلاف درج فہرست ذات اور درج فہرست قبائل (مظالم کی روک تھام) ایکٹ کے تحت ایک شکایت درج کرائی۔ سیشن کورٹ نے منگل کو اس شکایت پر انکوائری کا حکم دیا۔ حکم میں، ایڈیشنل سیشن جج ایچ ایم دیشپانڈے نے واشیم پولیس کو معاملے کی تحقیقات کرنے اور رپورٹ پیش کرنے کی ہدایت دی۔
