اندرا گاندھی نیشنل میوزیم کمپلکس میں وزیر اعلی مدھیہ پردیش ڈاکٹر موہن یادو کا اعلی سطحی اجلاس
بھوپال: مدھیہ پردیش کے وزیر اعلیٰ ڈاکٹر موہن یادو نے آج بھوپال کے اندرا گاندھی نیشنل میوزیم کمپلیکس میں 24 اور 25 فروری کو منعقد ہونے والی گلوبل انوسٹرس سمٹ 2025 کے بہترانعقاد کے لیے تشکیل دی گئی اعلیٰ سطحی کمیٹی کی میٹنگ کی صدارت کی۔ ڈاکٹر یادو نے سمتوا بھون (وزیر اعلی کی رہائش گاہ) میں یہ میٹنگ کی۔ انہوں نے کہا کہ وزیر اعظم نریندر مودی 24 فروری کو صبح تقریباً 10 بجے دو روزہ جی آئی ایس کا افتتاح کریں گے اور مدھیہ پردیش کی تمام جدید صنعتی پالیسیوں کا بھی آغاز کریں گے ۔ انہوں نے بتایا کہ وزیر اعظم مودی جی آئی ایس کیمپس میں قائم کیے جانے والے ایم پی ایکسپیریئنس زون کا بھی دورہ کریں گے ۔ اس زون میں امرسیوڈیجیٹل واک تھرو کی شکل میں، مدھیہ پردیش کی وراثت، اب تک کی پیش رفت اور مستقبل کی امنگوں کا مربوط امتزاج اور ڈسپلے کیا جائے گا۔ انہوں نے افسران کو ہدایت کی کہ جی آئی ایس کو شاندار، منظم اور نتیجہ خیز بنانے کے لیے تمام محکمے بہتر تال میل اور ہم آہنگی کے ساتھ کام کریں۔ وزیر اعلیٰ نے ہدایت دی کہ گلوبل انوسٹرس سمٹ کا انعقاد مدھیہ پردیش کی معیشت کو مضبوط بنانے اور ملک و بیرون ملک سے سرمایہ کاروں کو راغب کرنے کے مقصد سے کیا جا رہا ہے ۔ اس لیے ایونٹ کو تاریخی بنانے کے لیے تمام تیاریاں بڑے پیمانے پر کی جائیں۔ جی آئی ایس کے انعقاد میں انتظام سے متعلق کوئی کمی نہ رہے ۔ ڈاکٹر یادو نے گلوبل انویسٹرس سمٹ کی تیاریوں کا تفصیل سے جائزہ لیا اور عہدیداروں کو ہدایت دی کہ سرمایہ کاروں کو آسانی سے راغب کرنے کے لئے ریاست کی تمام سرمایہ کار دوست صنعتی پالیسیوں، مدھیہ پردیش میں صنعتوں کے لئے دستیاب وسیع انفراسٹرکچر اور مواقع کو مؤثر طریقے سے پیش کیا جائے ۔ انہوں نے کہا کہ مدھیہ پردیش کو صنعت دوست ریاست بنانے کے لیے سرمایہ کاروں کو مطلوبہ تمام ضروری مدد اور سہولیات فراہم کی جانی چاہئیں۔ وزیر اعلیٰ نے افسران کو ہدایت دی کہ جی آئی ایس کے لیے ہندوستان اور بیرون ملک سے بھوپال آنے والے سرمایہ کار ہمارے خاص مہمان ہیں، اس لیے ان کا خیرمقدم کیا جائے اور خالص ہندوستانی مہمان نوازی کی روایت کے ساتھ ان کا استقبال کیا جائے ۔ ڈاکٹر یادو نے عہدیداروں سے کہا کہ اس چوٹی کانفرنس سے ریاست میں صنعتی ترقی کو ایک نئی جہت ملے گی اور روزگار کے مواقع بھی بڑھیں گے ۔ انہوں نے ہدایت کی کہ سرمایہ کاروں کو بہتر سہولیات کی فراہمی اور ہموار عمل پر عملدرآمد کے لیے خصوصی کوششیں کی جائیں۔ اجلاس میں بتایا گیا کہ جی آئی ایس میں 60 سے زائد ممالک کے شرکاء شرکت کریں گے ۔ اس میں زمبابوے کے نائب وزیر سمیت 10 ممالک کے سفیر، 8 ممالک کے ہائی کمشنرز، 7 ممالک کے قونصلیٹ جنرلز سمیت کل 133 غیر ملکی شرکاء شرکت کریں گے۔
جی آئی ایس میں ملک کے سرکردہ صنعت کاروں سمیت ہندوستان کی سرکردہ کمپنیوں کے 300 سے زیادہ چیئرمین، ایم ڈی اور سی ای او بھی بھی شرکت کریں گے ۔