نئی دہلی، 7 اپریل (یو این آئی) خارجہ سکریٹری وکرم مسری 8 سے 10 اپریل تک امریکہ کے سرکاری دورے پر رہیں گے ۔ مسری کا یہ دورہ ایک ایسے وقت میں ہو رہا ہے جب عالمی بے یقینی کی صورتحال بڑھ رہی ہے ۔ اس دورے کا مقصد اہم شعبوں میں تعاون کو مضبوط بنانا اور ساتھ ہی اہم علاقائی اور بین الاقوامی مسائل کا حل تلاش کرنا ہے ۔ وزارتِ خارجہ کے مطابق، خارجہ سکریٹری کا دورۂ امریکہ ہند-امریکہ تعلقات کے تمام پہلوؤں کا جائزہ لینے اور تجارت، دفاع، اور سائنس و ٹیکنالوجی جیسے اہم شعبوں میں تعاون کو آگے بڑھانے کا موقع فراہم کرے گا۔ مسٹر مسری امریکی انتظامیہ کے اعلیٰ حکام کے ساتھ اعلیٰ سطحی بات چیت کریں گے ، جس میں مشترکہ ترجیحات اور ابھرتے ہوئے جغرافیائی سیاسی چیلنجوں پر خصوصی توجہ دی جائے گی۔ یہ دورہ وزیر خارجہ ایس جے شنکر کے رواں سال کے آغاز میں واشنگٹن کے دورے کے بعد ہو رہا ہے ، جو دونوں ممالک کے درمیان اعلیٰ سطحی مذاکرات کے تسلسل کو ظاہر کرتا ہے ۔ دریں اثنا، ہندوستان میں امریکہ کے سفیر سرجیو گور بھی اس وقت امریکہ میں ہی موجود ہیں۔ W/K
