سرینگر: جموں و کشمیر پولیس کی ریاستی تحقیقاتی ایجنسی (ایس آئی اے ) نے دہشت گردی کی فنڈنگ کے معاملے میں جمعہ کو سری نگر اور دہلی میں پانچ مقامات پر چھاپے مارے اور تلاشی لی۔اس کیس میں تلاشی کا یہ دوسرا دور تھا جس کا تعلق ملزمان کی جانب سے جرائم کی رقم کو غیر قانونی طور پر جمع کرنے ،لیئرنگ، ملانے اور لانڈرنگ سے متعلق ہے ، جن پر بعد میں شبہ ہے کہ وہ علیحدگی پسندی اور دہشت گردی سمیت غیر قانونی سرگرمیوں میں استعمال ہوئے ہیں۔ اس سے قبل ایس آئی اے نے دہلی اور کشمیر وادی میں 32 مقامات پر چھاپے مارے تھے ۔ایس آئی اے کے بیان میں کہا گیا ہے کہ ایس آئی اے کشمیر کی خصوصی ٹیموں نے آج دہلی اور سری نگر میں پانچ مقامات پر بیک وقت چھاپے مارے اور تلاشی لی۔ایس آئی اے نے کہا، “تلاشی آپریشن کے دوران تحقیقات سے متعلق بینک دستاویزات، جائیداد کے دستاویزات، موبائل فون، ڈیجیٹل آلات، سم کارڈ وغیرہ کی شکل میں قابل اعتراض مواد ضبط کیا گیا جس کا مزید تفتیش کیلئے تجزیہ کیا جائے گا۔”یہ چھاپہ جمعہ کو خصوصی نامزد یو اے پی اے عدالت، سری نگر کی طرف سے جاری کردہ سرچ وارنٹ کی بنیاد پر مارا گیا تاکہ کیس سے متعلق شواہد اکٹھے کیے جاسکیں۔یہ معاملہ کشمیر کے ایس آئی اے پولیس اسٹیشن میں ایک تحقیقات کی بنیاد پر درج کیا گیا تھا۔
