حیدرآباد۔ 4 ستمبر (پریس نوٹ) رویت ہلال کمیٹی مجلس علماء دکن کا ماہانہ اجلاس بضمن رویت ہلال ماہ ربیع الاول 1446ھ زیر نگرانی مولانا سید شاہ محمود بادشاہ قادری زرین کلاہ رکن صدر مجلس علماء دکن 4 ستمبر بروز چہارشنبہ حسینی بلڈنگ معظم جاہی مارکٹ میں منعقد ہوا۔ شہر میں مطلع ابر آلود رہا اور اکثر مقامات پر بارش ہو رہی ہے یا مطلع ابر آلود رہا لیکن نلدرگ ضلع عثمان آباد مہارشٹرا میں چاند نظر آگیا ۔ اسی طرح احمدآباد گجرات اور اوڈیشہ کے بعض حصوں سے رویت کی اطلاعات موصول ہوئیں۔ لہذا تحت احکام شریعہ مرکزی رویت ہلال کمیٹی صدر مجلس علماء دکن اعلان کرتی ہے کہ 5 ستمبر 2024 بروز پنجشنبہ یکم ربیع الاول ہوگی۔ اس اجلاس میں مولانا سید شاہ محمود بادشاہ قادری زرین کلاہ، مولانا مفتی خلیل احمد، مولانا مفتی سید صغیر احمد نقشبندی قادری، مولانا سید ظہیر الدین علی صوفی قادری، مولانا سید شیخین احمد شطاری قادری کامل پاشاہ، مولانا ڈاکٹر سید علی حسینی قادری علی پاشاہ، مولانا سید قادر محی الدین قادری جنید پاشاہ، مولانا مشہود احمد اور جناب قاضی سید نور اللہ فاروقی نے شرکت فرمائی۔ نوٹ : اسطرح عید میلاد النبی صلی اللہ علیہ وسلم 16 ستمبر 2024 دو شنبہ کو ہوگی۔
شیعہ علماء کا بیان
٭٭ سید علی اصغر جعفری صاحب کی اطلاع کے مطابق کل ہند شیعہ مجلس علماء و ذاکرین نے یہ اعلان کیا ہے کہ ماہ ربیع الاول کی روئت ثابت ہوگئی ہے۔ لہذا 5 ستمبر 2024 پنجشنبہ کو یکم ربیع الاول 1446 ھ ہوگی۔ اس کی تصدیق مولانا ڈاکٹر سید نثار حسین حیدر آقا، مولانا رضا عباس خاں، مولانا مہدی حسن بہشتی، مولانا سید جواد عابدی اور مولانا سید محب عابد نے کی ہے۔
