کولکتہ: مغربی بنگال کے گورنر سی وی آنند جمعہ کو وزیراعلی ممتا بنرجی کی دورہ ملتوی کرنے کی اپیل خارج کرتے ہوئے فسادات سے متاثرہ مرشد آباد کے لئے روانہ ہوگئے ۔ راج بھون کے ذرائع کے مطابق گورنر آج مالدہ کے سرکٹ ہاؤس میں رات میں قیام کریں گے اور وہاں سے ہفتہ کو مرشد آباد، سمشیر گنج اور دھولیان کے متاثرہ علاقوں کا دورہ کریں گے ۔ انہوں نے کہا کہ مرشد آباد کی بے گھر اور مصیبت زدہ خواتین کے ایک وفد نے جمعرات کی دوپہر گورنر سے ملاقات کی اور ان کی حالت زار کی وضاحت کی۔ گورنر نے انہیں یقین دلایا ہے کہ حالات کو معمول پر لانے کے لیے مناسب اقدامات کیے جا رہے ہیں۔ قبل ازیں، ممتا بنرجی نے کل ایک پریس کانفرنس میں مسٹر بوس سے فساد زدہ مرشد آباد کا دورہ ملتوی کرنے کی درخواست کرتے ہوئے کہا تھا کہ ضلع میں حالات بتدریج معمول پر آرہے ہیں اور انتظامیہ لوگوں کے اعتماد کو بحال کرنے کے لیے سرگرمی سے کام کر رہی ہے ۔
