Monday , June 26 2017

اخبار

روزانہ صبح سویرے
نماز کو جاؤ منہ اندھیرے
عبدل سائیکل والا آئے
تازہ تازہ خبریں لائے
اس پہ ہیں اخبار بہت سے
جس کے ہیں بیمار بہت سے
صبح سویرے صدا لگائے
گھر گھر میں اخبار پہنچائے
قتل ہوا ہے کہیں پہ انساں
کچل گئے ہیں کہیں پہ ارماں
کہیں ہوئی ہے مار کٹائی
کہیں کسی کی شامت آئی
کہیں پولیس سے ہاتھا پائی
کہیں کسی نے چیز چرائی
کسی صفحہ پر پھول کھلے ہیں
کہیں پرانے دوست ملے ہیں
کسی صفحہ پر ملک کا والی
کسی صفحہ پر باغ کا مالی
کہیں کسی طوفاں نے گھیرا
کہیں پہ ہے ظلمت کا ڈیرا
صلح صفائی چوری ڈاکہ
ساری باتوں کا ہے خاکہ
ہوٹل پر اخبار جب آئے
بوڑھے بڑے پڑھنے آئے
اِ ک اِک ورق کو ہاتھ میں پکڑیں
ختم کریں بس ساری خبریں
لوٹ کے گھر کو کوئی نہ جائے
جب تک کاغذ پھٹ نہ جائے
شمشاد کوثری

Leave a Reply

TOPPOPULARRECENT