Tuesday , October 22 2019

آندھرا پردیش کے سابق اسمبلی اسپیکر شیوا پرساد نے خودکشی کرلی۔ جگن موہن ریڈی کا اظہار تعزیت

Image / ANI

حیدرآباد: سینئر تلگودیشم پارٹی کے لیڈر اور سابق اسمبلی اسپیکر کوڈیلا شیوا پرساد راؤ کا آج ایک خانگی اسپتال میں دنیا سے چل بسے۔ قومی خبررساں ایجنسی اے این آئی کے مطابق شیوا پرساد کوڈیلا نے حیدرآ باد میں واقع اپنی رہائش میں پھانسی لے کر خودکشی کی ہے جس کی وجہ سے ان کی موت ہوئی ہے۔“ وہ 72 سال کے تھے۔

ان کے افراد نے انہیں فوری ننداموری باساراواما تاراکم ہاسپٹل بنجارہ ہلز منتقل کیا جہاں ڈاکٹرس نے انہیں وینٹیلٹر پر رکھ کر انہیں بچانے کی کوشش کی لیکن آج 12.15بجے دن وہ چل بسے۔ تاہم ڈاکٹرس نے ان کی موت پر فی الحال کوئی نوٹس جاری نہیں کی۔ واضح رہے کہ شیوا پرساد آندھراپردیش کے سابق اسپیکر رہ چکے ہیں۔ پسماندگان میں بیوہ ششی کلا کے علاوہ ایک لڑکا شیوارام اور ایک دختر وجے لکشمی شامل ہیں۔ ان کے ایک بیٹے کا انتقال دوسال قبل ہوا۔بی جے پی ترجمان کے کرشنا ساگر راؤ نے کہا کہ آندھراپردیش کے سابق اسپیکر کی خودکشی کی خبر سن کر بہت افسوس ہوا۔میں ا ن کے گھروالو ں سے اظہار تعزیت کرتا ہوں اور دعاء کرتاہو ں کہ بھگوان ان کی روح کو سکون دے۔“ آندھراپردیش کے وزیر اعلی جگن موہن ریڈی نے بھی ان کی موت پر افسوس کا اظہار کیا۔

Leave a Reply

Top Stories

TOPPOPULARRECENT