ممبئی: عالمی سطح سے ملنے والے کمزور اشاروں کے درمیان گھریلو سطح پر یوٹیلیٹی، پاور، انرجی اور تیل اور گیس سمیت تقریباً ہمہ گیر خریداری کی بنیاد پر آج اسٹاک مارکیٹ تیز گراوٹ سے بحال ہوئی اور سبقت بنانے میں کامیاب رہی۔ بی ایس ای کا 30 حصص والا حساس انڈیکس سینسیکس 358.79 پوائنٹس کے اضافے سے 70865.10 پوائنٹس اور نیشنل اسٹاک ایکسچینج (این ایس ای) کا نفٹی 104.90 پوائنٹس کے اضافے سے 21255.05 پوائنٹس پر پہنچ گیا۔ اس عرصے کے دوران بڑی کمپنیوں کے مقابلے چھوٹی اور درمیانی کمپنیوں میں خرید زیادہ رہی جس کی وجہ سے بی ایس ای کا مڈ کیپ 1.61 فیصد بڑھ کر 35619.94 پوائنٹس اور اسمال کیپ 1.69 فیصد بڑھ کر 41569.09 پوائنٹس پر پہنچ گیا۔ اس دوران بی ایس ای میں کل ملاکر 3896 کمپنیوں میں کاروبار ہوا، جن میں سے 2669 میں اضافہ اور 1106 میں کمی جبکہ 121 میں کوئی تبدیلی نہیں ہوئی۔
