ایران میں احتجاج، مہلوکین کی تعداد 400 تک پہنچ گئی

   

تہران ۔26 نومبر ۔(سیاست ڈاٹ کام) ایران کی حزب اختلاف نے دعویٰ کیا ہے کہ حالیہ ایام میں حکومت کے خلاف ہونے والے ملک گیر احتجاج کے دوران سکیورٹی فورسز کے حملوں میں چار سو سے زائد مظاہرین ہلاک ہوچکے ہیں۔ ایران کی قومی مزاحمتی کونسل کے ترجمان شاہین قبادی نے ٹویٹر پرایک بیان میں کہا ہے کہ ایران میں مظاہرین کی ہلاکتوں کی تعداد 400 تک پہنچ گئی ہے تاہم ان کا کہنا تھا کہ اب تک چار سو مظاہرین کے ہلاک ہونے کی تصدیق ہے مگر اصل تعداد اس سے کہیں زیادہ ہے۔اس سے قبل پیر کے روز ایمنسٹی انٹرنیشنل نے اطلاع دی تھی کہ 15 نومبر کو ایندھن کی قیمتوں میں اضافے کے بعد ہونے والے مظاہروں میں ایران بھر میں کم از کم 143 مظاہرین ہلاک ہوگئے تھے۔