نئی دہلی: خواتین کے قومی کمیشن نے سوشل میڈیا ویب سائٹ یوٹیوب پر نشر ہونے والے شو ‘انڈیاز گوٹ لیٹنٹ’ میں قابل اعتراض اور فحش تبصرے نشر کرنے پر اسے نوٹس جاری کیا ہے اور ججوں کے پینل میں شامل پانچ سوشل میڈیا پر اثر انداز کرنے والوں اور یوٹیوبرز سمیت سات لوگوں کو 17 فروری کو ذاتی طور پر اس کے ہیڈ کوارٹر میں حاضر ہونے کی ہدایت دی ہے ۔ خواتین کمیشن نے آج یہاں کہا کہ اس سلسلے میں کل ‘انڈیاز گوٹ لیٹنٹ’ شو کے ایپی سوڈ کے ججز کے پینل میں شامل تمام لوگوں کو نوٹس جاری کیا گیا ہے جس میں کیے گئے تبصروں پر تنازعہ کھڑا ہوا ہے ، نوٹس کے مطابق خواتین کمیشن کی چیئرپرسن وجے رہاتکر نے ان قابل اعتراض تبصروں پر گہری تشویش کا اظہار کیا ہے ۔ شو کے اداکار رنویر الہ آبادیہ، سمے رائنا، اپوروا مکھیجا، جسپریت سنگھ اور آشیش چنچلانی اور پروڈیوسر تشار پجاری اور سوربھ بوتھرا کو نوٹس جاری کیے گئے ہیں۔
