نئی دہلی:۔25؍ستمبر ( ایجنسیز ) کابینہ کی تقرری کمیٹی (اے سی سی) نے چیف آف ڈیفنس اسٹاف (سی ڈی ایس) کے طور پر جنرل انیل چوہان کی مدت ملازمت میں توسیع کو منظوری دے دی ہے۔ اس فیصلے کے ساتھ وہ 30 مئی 2026 تک یا اگلے احکامات تک حکومت ہند کے فوجی امور کے محکمے کے سکریٹری کے طور پر بھی کام کریں گے۔وزارت دفاع کے مطابق جنرل چوہان کو 28 ستمبر 2022 کو سی ڈی ایس تعینات کیا گیا تھا۔ جنرل چوہان کو 1981 میں ہندوستانی فوج میں کمیشن دیا گیا تھا اور ان کا ایک ممتاز اور شاندار کیریئر رہا ہے جس میں اہم کمانڈ اور عملے کی تقرری بھی شامل ہے۔
