برسلز، 28 ستمبر (ایجنسیز) یورپی یونین کے رکن ممالک نے پیر کے روز فلسطینی سرحدی اہلکاروں اور پولیس فورس کی معاونت کرنے والے دو مشنزکی مدت میں مزید نو ماہ کی توسیع کردی ہے۔ یہ دونوں مشنز اب جون 2027 کے آخر تک اپنی سرگرمیاں جاری رکھیں گے۔ یورپی یونین کے رکن ممالک نے رفح کراسنگ پوائنٹ کے لیے یورپی یونین بارڈر اسسٹنس مشن اور فلسطینی علاقوں کے لیے یورپی یونین پولیس مشن کے مینڈیٹ میں توسیع کی ہے۔ دونوں مشنز کا مقصد فلسطینی سرحدی اہلکاروں اور پولیس فورسزکو تعاون اور معاونت فراہم کرنا ہے۔ رفح کراسنگ پوائنٹ کے لیے یورپی یونین کا بارڈر اسسٹنس مشن، جسے ای یو بارڈر اسسٹنس مشن فار دی رفح کراسنگ پوائنٹ کہا جاتا ہے، فلسطینی سرحدی اہلکاروں کی معاونت کرتا ہے۔ یہ مشن غزہ اور مصر کے درمیان رفح سرحدی گزرگاہ سے متعلق سرحدی انتظامات میں معاونت فراہم کرنے کے لیے قائم کیا گیا ہے۔دوسرا مشن ای یو پولیس مشن فاردی فلسطینی ٹیریٹریز فلسطینی علاقوں میں پولیس فورس اور قانون نافذ کرنے والے اداروں کی معاونت کرتا ہے۔ یورپی یونین کے مطابق دونوں مشنز فلسطینی اداروں کی صلاحیتوں کو بہتر بنانے اور سرحدی و پولیس شعبوں میں تعاون فراہم کرنے کے لیے کام کر رہے ہیں۔ یورپی یونین کے فیصلے کے تحت دونوں مشنز کی موجودہ مدت میں مزید نو ماہ کا اضافہ کیا گیا ہے۔ اس طرح مدت جون 2027 کے اختتام تک بڑھ گئی ہے۔
