لندن : برطانیہ اور یوکرین کے درمیان باہمی تعاون کے فروغ پر مبنی “لندن ڈیکلیریشن ” طے پا گیا ہے۔ڈیکلیریشن لندن میں اور یوکرین کے صدر ولادیمیر زیلنسکی اور برطانیہ کے وزیرِ اعظم رِشی سوناک کے دستخطوں سے طے پایا ہے۔ڈیکلیریشن میں روس کے یوکرین پر 2014 اور 2022 کے حملوں کے بارے میں کہا گیا ہے کہ “وہ یورپ کی سلامتی اور انسانوں کے حقِ اختیار پر حملہ کر رہے ہیں اور ہماری آزادی کے لئے خطرہ تشکیل دے رہے ہیں”۔ڈیکلیریشن میں کہا گیا ہے کہ برطانیہ، روس کے مقابل یوکرین کے ساتھ اتحاد کی حالت میں ہے۔ برطانیہ، یوکرین کی آزادی، زمینی سالمیت اور سرحدوں کے ساتھ، غیرمتزلزل تعاون جاری رکھے گا۔مزید کہا گیا ہے کہ یوکرین کی نیٹو رکنیت اور ملکی سلامتی کی کوششوں کے ساتھ تعاون کیا جائے گا۔ یوکرین مسلح افواج صرف اپنی زمین کا ہی نہیں ہماری مشترکہ اقدار اور بین الاقوامی قانون کی بنیاد یعنی اقوام متحدہ کے چارٹر کا بھی دفاع کر رہی ہیں۔ ہمارے ملک، روس کے ‘اثرو نفوذ’ کے علاقے کے دعوے اور بزورِ طاقت سرحدیں تبدیل کرنے کی کوششوں کو مسترد کرتے ہیں۔ ہم اپنی آزادی اور حقِ اختیار جیسی اقدار کا دفاع کر رہے اور روس کی اختیار کردہ وحشت کی تکرار کے سدّباب کے معاملے میں پْر عزم ہیں”۔ڈیکلیریشن میں کہا گیا ہے کہ یوکرین کے ساتھ عسکری تعاون جاری رکھا جائے گا اور برطانیہ روس پر عائد پابندیوں کو بھی جاری رکھے گا۔
