اورنگ آباد : مہاراشٹر کے مراٹھواڑہ علاقے میں گزشتہ 24 گھنٹوں کے دوران کورونا کے 293 نئے معاملے سامنے آئے ہیں اور اس دوران وائرس سے تین مریضوں کی موت ہوئی ہے ۔ صحت افسران نے جمعرات کو یہ اطلاع دی۔مراٹھواڑہ خطے کے ضلع ہیڈکوارٹر سے موصولہ رپورٹ کے مطابق، آٹھ اضلاع میں اورنگ آباد میں سب سے زیادہ 120 نئے کیسز اور دو اموات ہوئی ہیں۔ اس کے بعد لاتور میں 51 معاملے سامنے آئے اور ایک شخص کی موت ہوئی ہے ۔ ناندیڑ میں 45، عثمان آباد میں 40، پربھنی میں 17، بیڑ میں 12، جالنا میں چھ اور ہنگولی میں دو نئے معاملے درج کیے گئے ہیں۔
