نئی دہلی۔ دہلی پولیس کے ایک اہلکار نے بتایا کہ قومی دارالحکومت میں ایک 14 سالہ نابالغ لڑکی کو اغوا کیا گیا، عصمت دری اور جسم فروشی پر مجبورکیا گیا، اور اس سلسلے میں تین لوگوں کو گرفتار کیا گیا ہے۔یہ معاملہ اس وقت سامنے آیا جب پولیس کو اطلاع ملی کہ شمالی دہلی کے صدر بازار علاقے میں ایک خاتون جسم فروشی کا کاروبار چلا رہی ہے۔ ڈپٹی کمشنر آف پولیس (نارتھ) منوج کمار مینا نے کہا پولیس ٹیم نے احاطے پر چھاپہ مارا اور نابالغ، جو ضلع ارائیہ، بہار کا رہنے والی ہے، کٹرا آتما رام صدر بازار کے ایک گھر میں قید پایا گیا۔ آپریشن سے پتہ چلا کہ اس کی قید کا مقصد جسم فروشی تھا اور اسے مبینہ طور پر اغوا کیا گیا تھا اور اسے مخصوص پتے پر زبردستی رکھا گیا تھا۔
