نئی دہلی: ریلائنس فاؤنڈیشن کی چیئرپرسن نیتا امبانی کو امریکہ کی ہارورڈ یونیورسٹی میں باوقار ‘سالانہ انڈیا کانفرنس’ میں کلیدی مقرر کے طور پر مدعو کیا گیا ہے ۔فاؤنڈیشن نے چہارشنبہ کو ایک بیان میں کہا کہ یہ کانفرنس 15-16 فروری کو امریکہ کی ہارورڈ یونیورسٹی میں منعقد ہوگی جس میں 1000 سے زائد مندوبین کی شرکت متوقع ہے ۔ اس سال کانفرنس کا تھیم ‘فروم انڈیا ٹی دی ورلڈ’ ہے ، جس کے تحت مسز امبانی ہارورڈ بزنس اسکول کے سابق ڈین نتن نوہریا کے ساتھ ہندوستان کے فن، ثقافت اور عالمی شراکت پر تبادلہ خیال کریں گی۔ امبانی حالیہ برسوں میں بین الاقوامی فورمز پر ہندوستان کیلئے ایک نمایاں آواز بن کر ابھری ہیں۔ اس کانفرنس میں وہ ہندوستان کی سافٹ پاور اور اس کی عالمی مطابقت کو ایک نئے زاویے سے پیش کریں گی۔
