پریاگ راج( یوپی ): اتر پردیش کے پریاگ راج میں ایک 20 سالہ انجینئرنگ کے طالب علم نے ٹکٹ کے کرایہ پر تنازعہ کے بعد ایک بس کنڈکٹر پر کلیور سے حملہ کر دیا۔ پولیس نے بتایا کہ سوشل میڈیا پر وائرل ہونے والی مبینہ ویڈیو میں ملزم نے اپنے جرم کا اعتراف کر لیا ہے۔ اس نے الزام لگایا کہ اس نے کنڈکٹر پر پیغمبر اسلام کی توہین کرنے پر حملہ کیا۔ اسے یہ کہتے ہوئے سنا جا سکتا ہے کہ وہ مسلمانوں کو گالی دے رہا تھا اس لئے میں نے اسے مارا ۔کنڈکٹر پر حملہ کرنے کے بعد ملزم نے فرار ہونے کی کوشش کی تاہم پولیس نے اسے ٹانگ میں گولی مار کر گرفتار کر لیا۔ملزم کی شناخت لاریب ہاشمی سے ہوئی۔ بس کنڈیکٹر کی شناخت 24 سالہ ہرکیش کے نام سے ہوئی ہے۔ وشوکرما۔ پریاگ راج پولیس کے مطابق ان دونوں میں ٹکٹ کی قیمت کو لے کر جھگڑا ہو گیا۔ ملزم انجینئرنگ کے پہلے سال کا طالب علم ہے۔کنڈاکٹر کی گردن اور جسم کے دیگر حصوں پر شدید چوٹیں آئیں۔ ایک اور ویڈیو بھی انٹرنیٹ پر گردش کر رہی ہے۔ یہ ویڈیو بس کے اندر سے ریکارڈ کی گئی ہے جس میں ملزم کو ہاتھ میں کلیور کے ساتھ سڑک پر بھاگتے ہوئے دیکھا جا سکتا ہے۔ ملزم فی الحال زیر علا ج ہے ۔ اس سلسلہ میں ایک مقدمہ درج کیا گیا۔ مزید تفتیش جاری ہے۔
