حیدرآباد ۔ یکم ۔ فروری : ( سیاست نیوز) : کھمم میں 1925 میں قائم ہونے والا ضلعی جنگلات اپنا صد سالہ تقاریب منا رہے ہیں ۔ 1925 میں نظام حکومت نے سابقہ ورنگل ضلع کے کھمم قصبے کے گاندھی چوک میں ایک فاریسٹ ڈیویژنل دفتر قائم کیا ۔ فاریسٹ آفس کامپلکس کا دائرہ اختیار مشرق میں موجودہ اسوا راؤ پیٹ منڈل ، جنوب میں یروپلم منڈل ، شمال میں وجیدو ، مغرب میں پالیر اور موجودہ آندھرا پردیش کے ترو وور جنگلاتی علاقہ تک تھا ۔ بعد میں جنگلات کے رقبے کی بڑی حد اور خصوصی نگرانی کی ضرورت کے پیش نظر حکومت نے 16 جون 1965 کو اس عمارت میں ایک فاریسٹ سرکل آفس قائم کیا ۔ وکرم سنگھ نے بتایا کہ جنگلات کے دائرے میں ضرورت کے مطابق محکمہ کے اہلکاروں کو تربیت دینے کے لیے آندھرا پردیش کے فاریسٹ اسکول یلندو کے علاوہ کئی ڈیویژن قائم کئے گئے ۔ ماضی میں کھانا پکانے کے لیے لکڑیوں کو فاریسٹ آفس کامپلکس میں نیلام کر کے لوگوں کو فروخت کیا جاتا تھا ۔ آندھرا پردیش کی تقسیم کے بعد محکمہ میں نئے حلقے تشکیل دیئے گئے ۔ کھمم اور سوریا پیٹ ضلع کو ملا کر کھمم فاریسٹ سرکل بنایا گیا ۔ کھمم میں ایک ضلعی محکمہ جنگلات کا دفتر قائم کیا گیا تھا ۔ جس میں ایک ڈسٹرکٹ فاریسٹ آفیسر اور دو فاریسٹ ڈیویژن کھمم اور ستوپلی شامل تھے ۔ ماحولیاتی سیاحت کی ترقی کے لیے کھمم اور ستو پلی میں خصوصی فاریسٹ اربن پارکس قائم کئے گئے ہیں ۔ فی الحال کھمم ضلع بھدرا دری زون کا ایک حصہ ہے جس کا ورنگل میں نئے زونل سسٹم کے مطابق ایک سرکل آفس ہے ۔ جنگلات کے اہلکار جنگل کے تحفظ اور جنگلی حیات کے تحفظ ، لکڑی کی غیر قانونی تجارت کی روک تھام اور پیدل گشت کے لیے وین ایپ کا استعمال کر کے جنگلی جانوروں کے غیر قانونی شکار کے لیے بھر پور کوشش کررہے ہیں ۔ اس طرح پھندے کو ہٹانے اور جنگلی حیات کی حفاظت کے لیے کیچ دی ٹریپ ڈرائیو کی جاتی ہے ۔ غیر محفوظ علاقوں میں نرسری اور پودے لگائے جارہے ہیں تاکہ سولر سی سی ٹی وی کیمروں سے کمانڈ اینڈ کنٹرول سنٹر پر نگرانی کے علاوہ مزید تجاوزات کو یقینی بنایا جاسکے ۔ صد سالہ تقریب کے حصہ کے طور پر اسکول کے طلباء کے لیے شہری پارکوں میں ’ وانا درشنی ‘ پولی گنڈالا ٹینک کے علاقے میں سرکاری اسکولوں کے لیے خصوصی دورے اور کنکا گیری پہاڑیوں پر پرندوں اور جنگلی حیات کے سروے جیسے ہفتہ بھر کے پروگرام منعقد کئے جارہے ہیں ۔ وکرم سنگھ نے کہا کہ کھمم فاریسٹ کامپلکس میں محکمہ جنگلات اور افسران کو جاننے اور ان کی ملاقات بھی پروگرام کا حصہ ہوگا ۔۔ ش
