گوہاٹی: قومی شہری رجسٹر کی آج حتمی فہرست جاری کردی گئی ہے۔ اس فہرست میں سے 19,06,677افراد کے نام خارج ہیں۔ اس فہرست میں جملہ 3,11,21,004لوگوں کے نام شامل تھے۔چیف منسٹر آسام سربنداسونو وال نے عوام سے اپیل کی کہ جن کے نام فہرست میں شامل نہیں ہیں وہ خوفزدہ نہ ہوں۔ ریاستی حکومت انہیں شہریت دلانے کے لئے ہر ممکنہ کوشش کرے گی۔
انہوں نے کہا کہ این آر سی کی قطعی فہرست میں کسی کا نام شامل نہ ہونا کا ہرگز یہ مطلب نہیں ہے کہ وہ مرد یا خاتون بیرونی شہری بن گئے ہیں۔ انہوں مزید کہا کہ کسی کو بھی فکر مند ہونے کی ضرورت نہیں ہے۔