نئی دہلی ، 16 جون (سیاست ڈاٹ کام) کانگریس کی جنرل سکریٹری پرینکا گاندھی واڈرا ، جو اساتذہ کی بھرتی گھپلے پر اتر پردیش حکومت پر مسلسل حملہ آور ہیں ، نے آج یوگی حکومت پر سکریٹریٹ میں بدعنوانی سے متعلق ایک خبر کے ذکر کے ساتھ حملہ کیا اور کہا کہ اب یہ ثابت ہورہا ہے کہ ریاست کا سب سے بڑا دفتر یعنی سیکرٹریٹ بھی بدعنوانی کا اڈہ بن گیا ہے ۔انہوں نے ٹویٹ کیا ، “ریاست کا سب سے بڑا دفتر سکریٹریٹ اترپردیش کی بھارتیہ جنتا پارٹی (بی جے پی) حکومت میں بدعنوانی کا مرکز بن گیا ہے ۔ مویشی پروری کے محکمے کے گھپلے نے حکومت کے پورے بدعنوان نظام کو بے نقاب کردیا۔ ریاست کے ایگزیکٹو کے مرکز کے گرد بدعنوانی ہی بدعنوانی ہے ۔ کیا وزراء اور وزیر اعلی کو اس بارے میں کوئی اشارہ نہیں ملا۔ اگر ایسا ہے تو ، یہ حقیقت حیران کن ہے ۔ یہ اترپردیش حکومت کے عملی طرز پر سوالیہ نشان ہے ۔’’ اس کے ساتھ ہی انہوں نے اسمبلی عمارت کی تصویر کے ساتھ ایک خبر بھی پوسٹ کی ہے جس میں کہا گیا ہے کہ کبھی فرضی تقرری تو کبھی فرضی داخلہ پاس بننے کے سلسلے میں تنازع میں رہنے والے سیکرٹریٹ میں اس باراسسٹنٹ ریویو افسر اور کنٹرکٹ ملازم کی مدد سے سکریٹریٹ کے ایک کمرے کو محکمہ مویشی پروری کا دفتر بناکر فری کام کیاگیا لیکن کسی کو خبر تک نہیں ہوئی ۔جعلساز کمرے کے باہر مویشی پروری محکمے کے ڈپٹی ڈائریکٹر کا بورڈ لگاکر گھپلہ کرتے رہے ۔
