انقرہ / پیرس : صدر رجب طیب اردغان نے فرانسیسی صدر ایمانوئل میکرون سے ٹیلی فون پر بات چیت کی۔ملاقات میں ترکیہ اور فرانس کے درمیان دوطرفہ تعلقات، علاقائی اور عالمی امور پر تبادلہ خیال کیا گیا۔ملاقات کے دوران صدر اردغان نے کہا کہ دونوں ممالک کے درمیان بات چیت میں اضافہ تعلقات میں مثبت کردار ادا کرے گا، ترکیہ اور فرانس کے درمیان بہت سے شعبوں بالخصوص دفاعی صنعت میں تعاون کی استعداد موجود ہے۔صدر اردغان نے کہا کہ یورپی یونین کی جانب سے شام کے خلاف پابندیوں کی معطلی انتہائی موزوں موقف ہو گا اور نئے دور میں انہیں مکمل طور پر ہٹانا ضروری ہے، ترکیہ شام کے لیے اپنی بلاتعطل حمایت جاری رکھے گا۔صدر اردغان نے کہا کہ حماس اور اسرائیل کے درمیان جنگ بندی کو برقرار رکھا جانا چاہیے اور مستقل حل کے لیے کوششیں شروع کرنی چاہیے۔
