کابل: افغانستان کے نگراں وزیر خارجہ مولوی امیر خان متقی نے دعویٰ کیا ہے کہ افغان نگراں حکومت کے علاقائی ممالک کے ساتھ تعلقات مضبوط ہونے کی راہ پر ہیں۔ریاستی میڈیا نے متقی کے حوالے سے یہ اطلاع دی ہے ۔ منگل کو سرکاری خبر رساں ایجنسی ‘بختر’ کے مطابق متقی نے حکومتی احتسابی پروگرام کے اجلاس میں بتایا کہ گزشتہ سال 10,000 یورپی سمیت 70,000 غیر ملکی سیاحوں نے افغانستان کے مختلف حصوں کا دورہ کیا۔پریس ایجنسی کی رپورٹ کے مطابق انہوں نے کہا کہ حکومت نے پڑوسی ممالک کے ساتھ سرحدی راستے کھلے رکھے ہیں تاکہ افغان مصنوعات کو بیرون ملک برآمد کیا جا سکے ۔
ایجنسی نے کہا کہ وزارت خارجہ علاقائی ممالک کے ساتھ ایک مشترکہ کمیٹی کے ذریعے افغان مہاجرین کے مسئلے کو حل کرنے کے منصوبے پر بھی کام کر رہاہے ۔
