نیویارک : یوکرین میں کاخوف کا بیراج کی تباہی کے ایجنڈے کے ساتھ منعقدہ اقوام متحدہ سلامتی کونسل کے ہنگامی اجلاس میں روسی اور یوکرینی وفود نے ایک دوسرے کو حملے کا قصور وار ٹھہرایا ہے۔یوکرین کی طلب پر اقوام متحدہ سلامتی کونسل کا ہنگامی اجلاس منعقدہ ہوا۔ اجلاس سے خطاب میں اقوام متحدہ کے نائب سیکرٹری برائے انسانی امور اور ہنگامی امداد کے منتظم مارٹن گریفس نے کہا ہے کہ “کاخوفکا بیراج کی تباہی سے پہنچنے والے نقصان کا مطلب ہے کہ حالِ حاضر میں جنگ کی وجہ سے مصائب کے شکار انسانوں کی زندگیاں مزید دشوار ہو جائیں گی”۔گریفس نے کہا ہے کہ “اس وقت اقوام متحدہ کا پہلا فرض مذکورہ انسانوں کی زندگیوں کو یقینی بنانا ہے۔ ہم، متاثرین کو امداد کی فراہمی کے لئے ہر طرح کی کوششیں کرنے پر تیار ہیں”۔اجلاس سے خطاب میں روس کے اقوام متحدہ کے لئے مستقل نمائندے واسیلے نیبنزیا نے کہا ہے کہ “اس وقت ہمارے ملک کو ایک منّظم غلط بیانی پروپیگنڈے کا سامنا ہے اور دعوی کیا جا رہا ہے کہ روس نے بیراج تباہ کر دیا ہے”۔نیبنزیا نے کہا ہے کہ “مذکورہ دعوی ایک ‘شیزو فرینیا’ ہے۔ کیف کا ایک اہم انفراسٹرکچر کو قصداً نقصان پہنچانا نہایت خطرناک اقدام ہے اور اسے جنگی جْرم یا دہشت گردی کہا جا سکتا ہے”۔ اس کا مقصد بڑے پیمانے پر شہری جانی نقصان پہنچانا اور تباہی و بربادی پھیلانا ہے”۔
