نیویارک : اقوام متحدہ کی جنرل اسمبلی کے 78ویں سیشن کا آغاز ڈینس فرانسس کی صدارت میں ہوا۔اقوام متحدہ کی 77 ویں جنرل اسمبلی کے صدرکسابا کوروسی نے اپنے جانشین کو اجلاس کے چیئرمین کی ذمہ داری سونپ کر اسمبلی کی 77 ویں دورکو نکتہ پذیر کیا۔ٹرینیڈاڈ اینڈ ٹوباگو کے امیدوار، ڈینس فرانسس، جو جون میں اقوام متحدہ کی 78ویں جنرل اسمبلی کے صدر منتخب ہوئے تھے، نے حلف اٹھاتے ہوئے کہا کہ وہ اپنی ذمہ داریوں کو “وفاداری، آگاہی اور عقلمندی” کے ساتھ پورا کریں گے۔کوروسی نے اس موقع پر اپنی تقریر میں کہا کہ”ہمیں موجودہ چیلنجوں کے مطابق اقوام متحدہ میں فوری طور پر اصلاحات کرنی چاہیئے۔”ان کا کہنا تھا کہ اقوام متحدہ کی جنرل اسمبلی اور سلامتی کونسل اصلاحات کرنے پر مجبور ہے۔ اگر ایسا نہ کیا گیا تو سلامتی کونسل حل کے بجائے مسائل پیدا کرنے شروع کر دے گی۔اقوام متحدہ کی 78ویں جنرل اسمبلی کے صدر فرانسس نے اس حقیقت کی طرف توجہ مبذول کرائی کہ نئے دور کا آغاز اس وقت ہوا ہیجب عالمی ایجنڈے پر ہمیں اہم آزمائشوں کا سامنا ہے۔یہ بتاتے ہوئے کہ وہ اپنی مدت کے لیے 4 بنیادی الفاظ اپنائیں گے، فرانسس نے انہیں امن، خوشحالی، ترقی اور پائیداری کے طور پر بیان کیا۔ہر سال عالمی رہنماؤں کو امریکی شہر نیویارک میں یکجا کرنے والا اقوام متحدہ کی 78 ویں جنرل اسمبلی کا اجلاس 19 ستمبر کو شروع ہوگا۔
