نئی دہلی: ہندوستان میں امریکی قونصل خانے کی ٹیم نے گزشتہ سال سے زیادہ ویزوں پر کارروائی کی، جس سے وزیٹر ویزا اپوائنٹمنٹ کے انتظار کے اوقات میں 75 فیصد کمی واقع ہوئی۔ سفارتخانے نے منگل کو یہاں ایک بیان میں کہا کہ یہ ریکارڈ عملے میں اضافے ، جدت طرازی اور کارکردگی میں اضافہ کے ذریعے حاصل کیا گیا ہے ۔ہندوستان میں امریکی سفارتخانوں اور قونصل خانوں نے گزشتہ سال ریکارڈ 1.4 ملین امریکی ویزوں پر کارروائی کی۔ 2022 کے مقابلے تمام ویزا زمروں کیلئے درخواستوں میں 60 فیصد اضافے کے ساتھ یہ مطالبہ بے مثال تھا۔وزیٹر ویزا (B1/B2) 700,000 سے زیادہ درخواستوں کے ساتھ امریکی مشن کی تاریخ میں درخواستوں کی دوسری سب سے زیادہ تعداد پر پہنچ گئے ہیں۔
