نیویارک: امریکی ریاستوں شمالی اور جنوبی کیرولینا کے جنگلات میں لگنے والی تباہ کن آگ کی وجہ سے لوگوں کو ان علاقوں سے نکال کر محفوظ مقامات پر پہنچا دیا گیا ہے ، اس کے علاوہ صورتحال پر قابو پانے کے لیے وہاں ایمرجنسی نافذ کر دی گئی ہے ۔کاؤنٹی پبلک انفارمیشن آفیسر کیلی کینن کے مطابق، چہارشنبہ کو ہنگامی حالت کے اعلان کے ساتھ ہی دونوں کاؤنٹیوں سے لوگوں کو بحفاظت باہر نکال لیا گیا ہے ۔ انہوں نے کہا کہ شمالی کیرولائنا میں پولک کاؤنٹی سب سے زیادہ متاثرہ علاقہ ہے جہاں تقریباً 250 افراد کو بچا لیا گیا جب کہ 20 مکانات اور عمارتیں تباہ ہو گئیں۔گرمی اور تیز ہواؤں کے ساتھ ساتھ طوفان ہیلن سے گرے درختوں کی وجہ سے آگ تیزی سے پھیل رہی ہے ۔ ستمبر 2024 کے آخر میں شمالی کیرولائنا سے ٹکرانے والے اس طوفان نے سینکڑوں افراد کو ہلاک اور بڑے پیمانے پر تباہی مچا دی تھی۔نارتھ کیرولینا فاریسٹ سروس کے ترجمان بو ڈورسیٹ نے کہا کہ علاقے میں بہت سے لوگ ابھی تک طوفان سے صحت یاب نہیں ہوئے ہیں۔شمالی کیرولائنا کے گورنر جوش سٹین نے رہائشیوں سے چوکس رہنے کی اپیل کرتے ہوئے کہا، “اگر آپ کو اپنے گھر چھوڑنے کی ضرورت ہے ، تو براہ کرم ہنگامی انتباہات اور انخلاء کے احکامات پر توجہ دیں۔”قابل ذکر ہے کہ جنگل میں لگی آگ کی وجہ سے شمالی کیرولینا کے محکمہ برائے ماحولیاتی معیار نے آلودہ ہوا کی وارننگ جاری کی ہے ۔
