واشنگٹن / پیرس : امریکی صدر جو بائیڈن اور فرانسیسی صدر ایمانوئل میکرون کے درمیان ٹیلی فون پر بات چیت ہوئی جس میں انہوں نے اسرائیل اور لبنان کے درمیان ممکنہ جنگ بندی کے عمل اور یوکرین کی تازہ ترین صورتحال پر تبادلہ خیال کیا۔وائٹ ہاؤس کے تحریری بیان کے مطابق بائیڈن اور میکرون نے فون پر بات کی۔دونوں رہنماؤں نے خاص طور پر اسرائیل اور لبنان کے درمیان ممکنہ جنگ بندی اور یوکرین جنگ کی ڈگرسمیت علاقائی اور عالمی امور پر تبادلہ خیال کیا۔بات چیت کے دوران، جہاں امریکہ اور فرانس کے تعلقات کا جامع جائزہ لیا گیا، بائیڈن اور میکرون نے اس بات پر زور دیا کہ وہ خاص طور پر بین الاقوامی مسائل پر قریبی رابطے میں رہیں گے۔
پیرو میں بس حادثہ ، 7ہلاک
لیما: شمالی پیرو کے سان مارٹن علاقے میں ہفتہ کی صبح ایک بس حادثہ میں کم از کم سات افراد ہلاک اور 30 سے زائد زخمی ہو گئے ۔وزارت داخلہ نے “ایکس” کو بتایا کہ یہ حادثہ مویوبامبا صوبہ میں فرنینڈو بیلاونڈے ٹیری ہائی وے پر پیش آیا۔ پولیس جائے وقوعہ پر سرچ اینڈ ریسکیو آپریشن کر رہی ہے ۔ مقامی میڈیا نے بتایا کہ بس ال ٹرونفو نامی خطرناک موڑ پر ایک وین سے ٹکرا گئی، جس سے ڈرائیورنے کنٹرول کھو دیا اور گاڑی سڑک سے نیچے اترگئی۔ وزارت صحت کے مطابق زخمیوں کو علاج کے لیے اسپتال لے جایا گیا ہے ۔
