امریکی صدر جوبائیڈن کی عمر اور فٹنس کو لے کر ایک مرتبہ پھر سوالات اٹھ گئے۔ 81 سالہ امریکی صدر جوبائیڈن ایک مرتبہ پھر جہاز میں سوار ہونے کے لیے سیڑھیوں پر چڑھتے ہوئے لڑکھڑا گئے۔امریکی صدر ایئر فورس کے طیارے میں سوار ہوتے وقت سیڑھیوں پر 2 مرتبہ لڑکھڑائے۔ امریکی صدر جوبائیڈن منگل کو میری لینڈ میں اینڈریوز ایئر فورس بیس پر طیارے میں سوار ہوتے ہوئے 2 بار لڑکھڑائے جس کے بعد ان کی عمر اور فٹنس کو لے کر ہونے والی بحث ایک مرتبہ پھر شروع ہوگئی۔ اس سے قبل بھی امریکی صدر کو طیارے میں سوار ہوتے ہوئے سیڑھیوں پر مشکلات پیش آئی تھیں۔
