نئی دہلی۔ ایئر لائن کمپنی انڈیگو کے کم از کم سات پائلٹوں کو ہنگامی مواصلات کے لئے استعمال ہونے والی فریکوئنسی پر تنخواہ سے متعلق مسائل پر بدسلوکی کی زبان استعمال کرنے کے لئے قابل اعتراض زبان کا استعمال کرتے ہوئے پایا گیا ہے۔ ذرائع نے جمعرات کو یہ اطلاع دی۔یہ تمام (پائلٹ) کم اجرت کے معاملے پر 121.5 میگا ہرٹز فریکوئنسی پر قابل اعتراض زبان میں اپنا غصہ ظاہرکرتے ہوئے پائے گئے۔ قابل ذکر ہے کہ یہ فریکوئنسی ہنگامی رابطے کے لیے استعمال ہوتی ہے جب ہوائی جہاز مشکل میں ہوتا ہے۔ذرائع نے بتایا کہ ڈائریکٹوریٹ جنرل آف سول ایوی ایشن (ڈی جی سی اے) نے معاملے کی جانچ شروع کردی ہے۔ تاہمانڈیگو نے ابھی تک اس موضوع پر کوئی بیان نہیں دیا ہے۔ہنگامی کمیونیکیشن کے لیے استعمال ہونے والی 21.5 میگاہرٹز فریکوئنسی بنیادی طور پر ہوائی ٹریفک کنٹرولرز کے ذریعے مانیٹر کی جاتی ہے۔تاہم مختلف ہوائی جہازوں کے پائلٹوں کے درمیان فضائی مواصلات میں 123.45 میگاہرٹز فریکوئنسی استعمال ہوتی ہے، جس کی نگرانی ہوائی ٹریفک کنٹرولرز نہیں کرتے ہیں۔اس واقعے سے کچھ دن پہلے انڈیگو نے اپنے کچھ پائلٹوں کو معطل کر دیا تھا جوکوویڈ 19 وبائی امراض کے دوران تنخواہوں میں کٹوتی کے خلاف 5 اپریل سے ہڑتال پر جانے کا منصوبہ بنا رہے تھے۔ وبائی امراض کے عروج کے دوران ایر لائن نے اپنے پائلٹوں کی تنخواہوں میں 30 فیصد تک کمی کردی تھی۔انڈیگو نے یکم اپریل کو پائلٹوں کی تنخواہوں میں آٹھ فیصد اضافہ کرنے کے اپنے فیصلے کا اعلان کرتے ہوئے کہا کہ اگر کوئی رکاوٹیں نہ آئیں تو وہ نومبر میں تنخواہوں میں مزید 6.5 فیصد اضافہ کرے گی۔یادر ہیکہ کورونا بحران نے ایرلائنز کو کافی متاثر کیا ہے ۔
