ملزم منورنجن بی جے پی ایم پی کے آئی ٹی سیل کا سابق ملازم
رکن پارلیمنٹ پرتاپ سنہا کا دفتر مہربند کیا جائے، کرناٹک کانگریس کا مطالبہ
میسور (کرناٹک) : کرناٹک کانگریس نے الزام لگایا ہے کہ پارلیمنٹ کی حفاظت کی خلاف ورزی کے معاملے میں گرفتار شخص نے پہلے بی جے پی کے رکن پارلیمنٹ پرتاپ سمہا کے آئی ٹی سیل میں کام کرتا تھا۔ کانگریس نے بی جے پی رکن پارلیمنٹ کے دفترکو ضبط کرنے کا بھی مطالبہ کیا ہے۔ کانگریس کے ترجمان ایم لکشمن نے جمعرات کو کہا کہ منورنجن جو مہمانوں کی گیلری سے مین ہال میں چھلانگ لگایا تھا، بی جے پی میسوروکوڈاگو کے ایم پی پرتاپ سمہا کے بہت قریب تھا اور اس نے میسور، مڈیکیری اور نئی دہلی میں ان سے ملاقاتیں کی تھیں۔ ہمیں نہیں معلوم کہ یہ ملاقاتیں کب ہوئیں۔ ان کے دفتر پر قبضہ کیا جانا چاہیے۔ یہ قومی سلامتی کا مسئلہ ہے۔ اگر وہ دستاویزات اور ثبوت مانگتے ہیں تو ہم انہیں فراہم کرنے کے لیے تیار ہیں۔ ہمارے بیانات شواہد پر مبنی ہیں۔ جو ہم دعویٰ کر رہے ہیں حقیقت کے بہت قریب ہے، لکشمن نے کہا۔ دریں اثنا بی جے پی ممبران پارلیمنٹ، وزراء، مرکزی وزیر داخلہ امیت شاہ اور وزیر اعظم نریندر مودی نے پارلیمنٹ کی سیکورٹی کی خلاف ورزی کے واقعہ پر کوئی ردعمل ظاہر نہیں کیا ہے۔ پرتاپ سمہا نے بھی خاموشی اختیارکر رکھی ہے اور واقعہ کے 24 گھنٹے بعد بھی انہوں نے سیکورٹی کی خلاف ورزی کے ملزم کے بارے میں کوئی ٹویٹ یا کوئی بیان نہیں دیا ہے جس نے ان سے وزیٹرگیلری کا پاس حاصل کیا ہے۔ ایم پی پرتاپ سمہا اس معاملے پر خاموش کیوں ہیں؟ وہ عام طور پر میڈیا کے سامنے چھوٹے واقعات پر ردعمل ظاہر کرتے ہیں، اور اس معاملے میں ان کی خاموشی شکوک و شبہات کا باعث بن رہی ہے۔ اگر کوئی مسلمان ملوث ہوتا یا کانگریس پارٹی کے کسی لیڈر کی طرف سے پاس جاری کیا گیا ہوتا تو پورا ملک ہتھیاروں سے لیس ہو جاتا تھا ۔ وہ سیکورٹی کی چار تہوں کی خلاف ورزی کرنے میں کیسے کامیاب ہو ئے؟ ایسا لگتا ہے کہ یہ ایک سوچی سمجھی کارروائی ہے۔ لکشمن نے کہا۔