نئی دہلی ۔ اگنی پتھ اسکیم کے تحت شروع کی جانے والی اگنی ویر بھرتی کا شیڈول جاری کر دیا گیا ہے۔ اطلاعات کے مطابق یکم جولائی سے درخواست دہندگان دو زمروں میں رجسٹریشن کر سکیں گے۔ بھرتی کے عمل کا سالانہ کیلنڈر 25 جون کو ہی شائع کرنے کی بات کہی گئی تھی۔ وہیں آن لائن رجسٹریشن یکم جولائی سے شروع کی جائے گی۔ 2022 بیاچ کے لئے 9 جولائی کو نوٹیفکیشن جاری کیا جائے گا۔2022 اگنی ویر بیاچ کے لیے درخواستیں 15 سے 30 جولائی تک دی جا سکتی ہیں۔ اس کے ساتھ ہی اگنی ویر کے انتخاب کے لیے امتحان اور فزیکل ٹیسٹ اکتوبر کے وسط میں منعقد کیا جائے گا۔ نیوی میں دو طرح کے اگنی ویر بھرتی کیے جائیں گے۔ پہلے زمرے میں اگنی ویر ایس ایس آر (اگنی ویر سینئر سیکنڈری بھرتی) ہے، اس کے تحت 10+2 پاس نوجوانوں کو لیا جائے گا۔ دوسری زمرے میں، دوسری قسم MR ہے، جس کے تحت 10ویں پاس امیدواروں کو درخواست بھرنے کا موقع ملے گا۔ وہیں، SSR عہدے کے لئے صرف سائنس اسٹریم سے 12ویں پاس امیدوار ہی ایس ایس آر کی پوسٹ کے لیے درخواست دے سکیں گے۔اگنی پتھ اسکیم ہندوستانی مسلح افواج سے وابستہ ایک اسکیم ہے جس میں منتخب امیدواروں کو چار سال کی مدت کے لیے اگنی ویر کے طور پر اندراج کیا جائے گا۔ چار سال کی مدت مکمل ہونے پر، یہ اگنی ویر اپنی پسند کے پیشے میں اپنا کیریئر بنانے کے لیے معاشرے میں واپس آئیں گے جس کا مقصد ایک نظم و ضبط، متحرک، حوصلہ افزائی اور ہنر مند افرادی قوت کے طور پر دوسرے شعبوں میں ملازمت حاصل کرنا ہے۔
