جموں: جموں وکشمیر کے پونچھ ضلع کے بھاٹہ دوڑیاں جنگلی علاقے میں فوجی گاڑی پر ہوئے حملے کی تحقیقات کا دائرہ وسیع کیا گیا ہے ۔معلوم ہوا ہے کہ نیشنل سیکورٹی گارڈ (این ایس جی )کی ٹیم نے دہشت گردانہ حملے کی جانچ شروع کی ہے ۔ذرائع نے بتایا کہ نو گھنٹے تک این ایس جی کی ایک اعلیٰ سطحی ٹیم نے جائے وقوع کا معائنہ کیا اور وہاں سے سیمپل اٹھائے جنہیں جانچ کے لئے لیبارٹری بھیجا گیا ۔ذرائع نے مزید بتایا کہ حملہ آوروں کو تلاش کرنے کی خاطر ڈرون ، سنیفر ڈاگ (کھوجی کتے )اور ہیلی کاپٹروں کی خدمات حاصل کی گئی ہے ۔
