نئی دہلی: دریائے گنگا کی ناگفتہ بہ حالت پر تشویش کا اظہار کرتے ہوئے چہارشنبہ کو ایوان بالا راجیہ سبھا میں گنگا کی صفائی سے متعلق قومی گنگا پروجیکٹ پر سوال اٹھایا گیا۔ کانگریس کے کمار کیتکر نے ایوان میں وقفہ صفر کے دوران یہ مسئلہ اٹھایا اور کہا کہ حکومت نے کہا تھا کہ اس پروجیکٹ کے تحت سال 2019 تک گنگا کو مکمل طور پر صاف کر دیا جائے گا لیکن گنگا کی حالت اب بھی بہت خراب ہے ۔ انہوں نے کہا کہ اس کے لیے جو ادارہ بنایا گیا ہے اس کی سربراہی خود وزیراعظم کر رہے ہیں، اس کے باوجود حالت ٹھیک نہیں۔ رکن ایوان نے کہا کہ کورونا وبا کے دوران گنگا لاش تیرنے کی طرح نظر آتی تھی۔ انہوں نے کہا کہ گنگا کی صفائی پر پیسہ خرچ کرنے کے بجائے پوجا پر زیادہ خرچ کیا جا رہا ہے ۔انہوں نے کہا کہ وہ حکومت سے جاننا چاہتے ہیں کہ اس پروجیکٹ کے لیے کتنی رقم مختص کی گئی اور اب تک کتنی رقم خرچ ہو چکی ہے ۔
