ڈبلن ۔ پاکستانی کرکٹ ٹیم کے کپتان بابر اعظم نے ٹی ٹوئنٹی انٹرنیشنلز میں ہندوستانی اسٹار بیٹر ویرات کوہلی کا ایک اور ریکارڈ توڑ دیا۔ ٹیم کے کپتان ٹی ٹوئنٹی انٹرنیشنلز میں سب سے زیادہ مرتبہ 50 یا اس سے زائد رنز بنانے والے کھلاڑی بن گئے۔ بابر اعظم نے39 مرتبہ 50 یا اس سے زائد رنز بنانے کا ریکارڈ بنایا۔ انہوں نے یہ سنگ میل آئرلینڈ کے خلاف تیسرے ٹی ٹوئنٹی میں عبور کیا۔ انکے ان 39 ففٹی پلس اسکورز میں 36 نصف سنچریاں اور3 سنچریاں شامل ہیں۔واضح رہے کہ ویراٹ کوہلی38 مرتبہ 50 یا اس سے زائد کا اسکور بناچکے ہیں جس میں 37 نصف سنچریاں اور ایک سنچری شامل ہے۔
