لندن : بنیادی غذائی اشیاء کی قلت پیدا ہوگئی، کچھ پھلوں اور سبزیوں کی فروخت پر پابندی عائد کردی ہے۔سوپر مارکیٹوں نے ٹماٹر، کالی مرچ، کھیرے، سلاد ، بروکولی، پھول گوبھی کی خریداری پر پابندی عائد کر دی ہے جس کے باعث شہری پریشان ہیں۔غیر ملکی میڈیا کے مطابق جنوبی یورپ اور شمالی افریقی ممالک میں شدید سردی، بارش اور سیلاب کے باعث سپلائی چین متاثر ہوا ہے۔ماہرین کا کہنا ہے کہ پھلوں اور سبزیوں کی قلت مزید چند ہفتے جاری رہ سکتی ہے،حکام کا کہنا ہے کہ وہ مقامی کسانوں کے ساتھ مل کر قلت پر قابو پانیکی کوشش کر رہے ہیں۔واضح رہے کہ موسم سرما میں برطانیہ عموما سبزیاں اسپین اور افریقی ممالک سے درآمدکرتا ہے لیکن موسم گرما میں اس کی زیادہ تر ضرورت مقامی پیداوار سے پوری ہوجاتی ہے۔
