ممبئی31 جولائی (ایجنسیز) عامر خان کی پروڈیوس کردہ، بالی ووڈ فلم بٹوارہ 1947 آنے والی سب سے زیادہ متوقع فلموں میں سے ایک ہے۔ شائقین اس سنی دیول اور پریتی زنٹا کی اداکاری کا بے صبری سے انتظار کر رہے ہیں، کیونکہ یہ سنی کے ایکشن اوتارکو ظاہر کرے گی اور پریتی زنٹا کی آٹھ سال بعد بڑے پردے پر واپسی کو اہم بنادے گی۔ جہاں شائقین فلم کے لیے پرجوش ہیں وہیں فلم کے ایک پوسٹر نے انہیں الجھن میں ڈال دیا ہے۔ سنی دیول کے بیٹے کرن دیول بھی فلم بٹوارہ1947 میں نظر آئیں گے۔ ان کے مقابل اداکارہ کنیکا کپور نظر آئیں گی۔ حال ہی میں کنیکا نے اپنے سوشل میڈیا پر فلم کا ایک پوسٹر شائع کیا۔ پوسٹر میں کنیکا اور کرن کو ایک ساتھ دکھایا گیا ہے۔ تاہم کنیکا اس پوسٹر میں کیرا اڈوانی کی طرح نظر آرہی ہیں۔ پہلی نظر میں، آپ کو لگتا ہے کہ یہ کیرا ہے۔اس پوسٹر کے منظر عام پر آنے کے بعد جہاں کنیکا کے مداح انہیں اس بڑی فلم پر مبارکباد دے رہے ہیں وہیں کچھ یہ بھی کہہ رہے ہیں کہ وہ کیرا جیسی لگ رہی ہیں۔ اس سے سوشل میڈیا پر سوالات اٹھنے لگے ہیں کہ آیا یہ پوسٹر بنانے کے لیے اے آئیکا استعمال کیا گیا تھا اور اسی وجہ سے یہ خرابی پیش آئی۔ یہ سچ ہے یا نہیں، یہ صرف پروڈکشن ٹیم یا پوسٹر شیئر کرنے والی کنیکا ہی بتا سکتی ہیں۔تاہم، بٹوارہ1947کی ریلیز میں زیادہ وقت باقی نہیں ہے۔ فلم 14 اگست کو بڑے پردے پر آنے والی ہے۔ اس کا ٹریلرکچھ عرصہ قبل ریلیز ہوا تھا اور اسے خوب پذیرائی ملی ہے۔ سنی دیول کا ایکشن اوتار اور طاقتور ڈائیلاگ ڈیلیوری موضوع بحثہے۔ راجکمار سنتوشی کی ہدایت کاری میں بننے والی اس فلم میں شبانہ اعظمی، ابھیمنیو سنگھ اور علی فضل نے بھی اہم کردار ادا کیے ہیں۔
